معدل الارتداد اهم عوامل تصدر محركات البحث لو معدل الارتداد بتاعك مرتفع فده يدل على ان الزائرين بيدخلوا ويخرجوا من غير تفاعل
تعال أقولك كلمتين في ودنك!!
لو إنت صاحب موقع إلكتروني، وعايز تعرف مدى تفاعل الزائر على الموقع يا ترى هتحاول تعمل إيه؟!
علشان أقولك تعمل إيه فإنت محتاج تعرف إيه هو Bounce Rate أو ما يسمى بمعدل الإرتداد
المصطلح غريب عليك بس متخفش هبسطهالك 😉
معدل الإرتداد بيقيس تفاعل الزائر من بداية دخوله الموقع حتى خروجه منه، وبيعرفك الزائر دخل وضغط على أي رابط أو صفحة أخرى في موقعك.
بس يا ترى معدل الإرتداد ده ليه مهم 🤔
- لو الزائر خرج من موقعك فإنت بالتالي خسرت زبون كان ممكن يشتري منك، ولو إنت مدونتك بتربح من خلال الإعلانات فإنت بردو خسران فرصة النقرة على الإعلانات
- معدل الإرتداد أهم عوامل تصدّر محركات البحث
- لو معدل الإرتداد بتاعك مرتفع فده يدل على إن الزائرين بيدخلوا ويخرجوا من غير أي تفاعل وإن عندك مشكلة
علشان تقلل معدل الإرتداد في موقعك هقولك على شوية نصائح تساعدك:
1. تحسين محتوى الموقع:
إهتم بمحتوى موقعك وتحسينه وجعل شكله جذاب دائمًا
2. الربط الداخلي:
مهم إنك تربط المقالات ببعضها بطريقة منسقة سهلة للزائر
3. سرعة الموقع:
استخدم الأدوات اللي بتزيد من سرعة المواقع
4. تصميم الموقع:
بيكون بسيط وغير معقد والمهم يكون واضح ومتناسق
وبكده أنا قولتلك كل حاجه عايز تعرفها عن معدل الإرتداد من أول تعريفها، ولحد ما تعرف تقلل معدل الإرتداد
إكتبلنا لو في حاجة تانى محتاج تعرف عن موضوع إيه تاني؟ 👇🏻♥️
تعليقات
إرسال تعليق