يعني إيه خطة التسويقية ؟؟ جربت تصحي تلاقي نفسك سايق قطر لا إنت عارف إنت فين ولا رايح فين و إنك ممكن تموت إنت والناس اللي معاك

 يعني إيه خطة التسويقية ؟؟
جربت تصحي تلاقي نفسك سايق قطر لا إنت عارف إنت فين ولا رايح فين و إنك ممكن تموت إنت والناس اللي معاك لأنك مش عارف هتعمل إيه و إيه اللي ممكن يواجهك ؟؟؟؟؟
دي بالضبط الخطة التسويقية بمعنى هي اللي بتعرفك الطريق من فين و لفين وإزاي تنجو إنت وشركتك وتحقق أهدافك بأقل خسائر ممكنة.
وطبعًا خطة يعنى خطوات بتحتاج وقت لتنفيذها تعالو نعرفهم سوا:
1/ فهم سوق العمل (Understanding Market place) : لازم تفهم طبيعة السوق اللى هتنزل تشتغل أو تعرض منتجاتك فيه وتعرف إزاى تتميز (متقلدش حد) علشان كده لازم تدرس السوق كويس وتحدد طبيعة المنافسين اللي فيه.
 2/ البحث التسويقي (Market research/ M.I.s)
وده هدفه تجميع الداتا عن كل ما يخص المنتج بتاعنا وبيشمل :
1/ البحث (research): وهو عبارة ملاحظة المنتجات وطرح الأسئلة لإكتشاف المشكلات وحلها وتحويلها لفرص.
2/ الإستخبارات (Marketing Intelligence): وهو معرفة المعلومات عن المنتجات والمنافسين وغالباً بيبقى بإستخدام الحيل التسويقية.
3/ قاعدة البيانات (Data base): وهى إننا نعمل بحث مكثثف مبنى على معلومات قديمة سواءًا مقالات أو أبحاث أو مراجع.

3/ الإستراتيجيات التسويقية (Marketing Strategy): وفي الخطوة دي إحنا بنحدد أهداف التسويق و الرؤية العامة و الفئات المستهدفة من الناس وكمان الطرق الفعالة لجذب الناس دي والصورة الذهنية للمنتج داخل عقل العملاء.
4/تحليل السوق (Market analysis): وده معناه إنك بتفرز السوق بمعنى إنك بتحدد نقاط القوة والضعف والفرص والتهديدات وده عن طريق تحليل SWOT.
5/ المزيج التسويقي (Marketing Mix /4Ps): وده بيتم فيه تحديد المنتج والأسعار وعملية الترويج للمنتج وإختيار أفضل الطرق للحصول والوصول للعميل.
6/إدارة العلاقات(Relations Management): وده بيتم بين العميل والشركات التانية.

متنساش تقولنا رأيك فى التعليقات و محتاج تتعلم إيه تانى ؟

رايك يهمنا وبيشجعنا