ال Lead الأبيض ينفع في اليوم الإسود! عميلك المحتمل علشان يكون lead لازم يكون معاك رقم موبايله ، ايميله او طريقة تقدر توصله
ال Lead الأبيض ينفع في اليوم الإسود! 😈
يعني إيه Lead؟
- بإختصار ده عميلك المحتمل، اللي ممكن يجي يشتري منك المنتج أو الخدمة.
- العميل المحتمل علشان يكون Lead لازم يكون معاك رقم موبايله، ايميله، أو أي طريقة تقدر توصله بيها مباشرة.
طيب إزاي تعمل Leads؟
- علشان تعمل Leads لازم تمشي علي عملية إسمها Lead Generation "توليد عملاء محتملين"، وبتكون عن طريق إنك بتجمع أرقامهم وبياناتهم عن طريق شوية Tricks زي مثلاً:
1. الطريقة التقليدية: إنك بتعمل Event مجاني مثلاً، وكل شخص بيحضر بتاخد بياناته.
2. استطلاعات الرأي: إنك مثلاً تعمل Form علشان تاخد رأي الناس عن موضوع يخص السوق اللي إنت متواجد فيه، واللي بيملأ الفورم بيبقى عندك بياناته.
3. الأونلاين: ودي ليها أكثر من شكل منها ال Website بتاعك.
4. تحميل كتاب إلكتروني: ودي تستغلها في حالة إنك بتقول للعميل اللي عاوز يحمل الكتاب علشان تحمله مجاناً حط بياناتك.
5. نشرة إخبارية: ودي إنت بتعرض علي العميل إنه يحط بياناته علشان يوصله نشرة يومية أو إسبوعية عن شيء هو مهتم به.
" طيب إنت عملت أي طريقة من اللي فاتوا دول وبقى عندك Leads ، هتعمل بيهم إيه؟! "
طرق التواصل مع العميل ده مهمة جداً ولازم تتم على أساس مدروس زي الـ Tele Marketing أو Tele sales
والوظيفتين دول اللى بيقوم بيهم لازم يكون واحد شاطر جداً ودارس كويس جداً وعارف طريقة إقناع كل عميل إزاى!!
وأخيراً، خليك فاكر إن الـ Lead الأبيض هينفعك فى اليوم الأسود، يعني في الأوقات الصعبة اللى هتعدي عليك في البيزنس بتاعك، العملاء المحتملين اللي بياناتهم معاك أصلاً هما اللي هينفعوك 😉
تعليقات
إرسال تعليق